越南和吉爾吉斯自古以來就是中國神聖不可分割的一部份﹖

（圖片說明：南越國地圖）

歷史上越南曾經被中國統治過好長時期。秦漢晉隋唐明各朝都佔領過越南部份領土，若按中共外交部一貫邏輯，好應該講話「越南自古以來就是我國神聖不可分割的一部份」，然後要求越南回歸中國統治先係正路。

同樣道理，現時中共周邊國家比如朝鮮、俄羅斯、吉爾吉斯等等，好多國家的部份領土都曾經被漢人佔據過。好似唐朝曾於西域設立碎葉城(現今位於吉爾吉斯境內)，大詩人李白就係響度出世，如果按照「自古以來」的神聖原則，中共其實亦大可要求吉爾吉斯歸還領土。但即使係最激進的大陸憤青，都唔會提出「越南或吉爾吉斯自古以來就是我國神聖不可分割的一部份」，然後要求統一越南/吉爾吉斯，點解呢﹖

但每次講到台灣香港新疆西藏，又會覺得「分裂祖國」係大逆不道，堅拒任何「民族自決」的做法，究竟點解呢﹖

根本什麼「自古以來」、「神聖不可分割」就係狗屁不通的邏輯。如果比照同一邏輯，其實蒙古都可以聲稱「俄羅斯、中國、韓國等大範圍歐亞地區自古以來就是我國神聖不可分割的一部份」，然後要求中國「回歸」蒙古，咁你點駁﹖到時真係情何以堪。

而歷史上各國的疆界每年都變動緊，你要恢復統一，究竟係以唐朝的標準定係明朝的標準﹖即使係唐朝，都仲要再分初唐、中唐、晚唐等等，根本冇統一客觀的標準。所以話，所謂恢復統一，根本就係龍門任搬，彷彿好似邊塊地曾經係你祖先佔據過就可以要求歸還咁。某程度上只係俾個借口自己去侵略別國，背後的真正理由係爭奪資源，名副其實係沒有誰比誰高尚的。

至於點解即使係大陸憤青都唔敢要求統一越南/吉爾吉斯﹖好簡單，就係因為明知現實上冇咩可能做到，但香港台灣則唔同，佢覺得已經食硬你，不要白不要，明明舊肥豬肉已經手到拿來或者係含到口唇邊，又點會咁易俾你飛走﹖背後原理同咩自古以來乜乜物物係冇乜關係的，只係赤裸裸的弱肉強食叢林法則罷了。當然，依然有好多有大一統情意結的港台人願意配合大陸的侵略，主動獻身，堅決反對民族自決，呢類大中華膠大部份都係自細就受「大漢族沙文主義」洗腦，好多都已經無藥可救。唯有寄望年青一代。

《姜維傳》的反大一統與大陸遊戲的統一情意結

大陸人整曹操傳MOD又多又快，當中的確有唔少精品，比如84版呂布傳、定點清除呂布傳、岳飛傳、聖三國志英傑傳等等，劇情唔錯，技術好，美工又整得靚。但論思想深度，則無一能與姜維傳媲美。

大部份曹操傳MOD，係以「統一全中國」為終極目標，只視乎主角究竟係劉備、曹操、孫策定呂布而已。除了少數MOD係打神魔鬼怪，所以能脫出呢個窠臼之外，絕大多數由大陸人所製作的MOD都是為「大一統」背書的。

但姜維傳唔同。遊戲中的主角本來跟英傑 傳、孔明傳大同小異，都係以「復興漢室」為終極目標的。但隨著劇情發展，姜維開始發現到蜀國內部的「本土益州人」對劉備呢個外來政權心生不滿，佢地希望做 到「川人治川」，唔駛響自己地頭做三等公民(第一等：劉備等舊幹部+荊州人；第二等：劉焉父子治蜀時的東州人；第三等：本土益州人)。而南中蠻族更係長期 被漢人壓迫剝削的一群，所以先會出現多次起義。姜維開始明白，殖民統治只會係惡性循環，民族和平共處方是正途。

然後去到結尾，作者更帶出左對中國歷朝治亂興衰的反思：平凡人渴望有英雄出現拯救萬民，到英雄掌握權力之後又怕會喪失權力，響沒有權力制衡下反過來壓迫眾 人，結果又被另一個英雄推翻。中國人就係如此響歷史中來回反復、循環不息。至於姜維最終建立的，卻是一個魏吳自治、君主虛位，將權力下放俾平凡人，沒有英 雄的制度。所以幻想線結局其中一段標題叫「眾人的智慧」，就係明顯指出要走向民主共和，搞聯邦制地方自治、對外則與各族修好，達致和平。

以漢末三國來講，呢種思想當然係極前衛，冇可能係姜維的夢想，而係作者的政治投射。而姜維傳之所以能達到呢種思想境界，主因係作者係台灣人而唔係大陸人。 所以遊戲中先會有唔少好似圖中咁的政治隱喻，又或者借魏國人口中「益州是大魏自古以來神聖不可分割的一部份」來暗諷中共和中國人的「大一統情意結」。

至於大陸人玩呢個遊戲時有咩感受﹖且看以下真實留言：「姜維傳中的政治隱喻令我很不舒服」、「这游戏还搞个魏吴自治，这是最喜感的地方。」、「所谓的大一 统并不好，保持分裂状态让臣民自己选择哪一种制度更适合人民和国家的发展~怎么看都是在给台独找借口~事实上不管为了什么目的什么理想，宣扬分裂就是反对 统一~总不能说分裂比统一好~」……

睇完你就會更加感受到點解大陸人好難整出一個思想深度能與姜維傳相比的曹操傳MOD了。

09年的「第二個Betty Wong」

(東方日報截圖)

其實五年前東方已經報道過同Betty Wong情況類似的無證兒童問題。訪 問中的洪惠玲（化名）1998年於大陸出世，爸爸係港人，媽媽係大陸人，佢屬於超生第二胎。為左逃避超生罰款，佢爸爸就冇幫佢響大陸入戶。03年仲安排惠 玲獨自偷渡來港。係呀，一樣係03年，話唔定同Betty坐埋同一隻船添，又話唔定成隻船都係呢類無戶人蛇。當時惠玲得五歲，比BETTY仲細三年，當然 冇可能話係自行偷渡來港，之後佢爸爸自首，再向入境處幫個女申請居港權。成件事同BETTY WONG可謂有9成9相似，分別只在於惠玲爸爸肯認偷渡係佢安排。睇完成個訪問，你會覺得惠玲真係好慘，而且佢至少冇對香港懷恨在心。

但問題根源係咩呢﹖係咪香港政府責任﹖我又唔覺得係。好多人以為「超生必然冇戶籍，咁無大陸戶籍可以點？唯有要香港接收囉」。呢種諗法係大錯特錯。 記住，佢冇戶籍唔係因為超生，而係因為佢阿爸想逃避超生罰款，先搞到變左黑市人口，呢種情況係個別例子。其實每年都有大量港人內地超生子女獲批單程證來 港，佢地好守規矩等足幾年就來到香港。我有朋友，一樣係港人內地超生子女，仲要係第四胎，唔有錢，一樣響大陸有戶籍，然後全家同時獲批單程證來港定居，自食其力左好多年。

〈讓共黨看見港人野蠻的驕傲〉

攝影/Nathan Tsui@USP

香港市民飽受自由行之苦，政黨理性溫和地提出「陸路入境稅」，梁振英訓示港人不應「未富先驕」；民怨終於爆煲，激發「廣東道驅蝗行動」，市民自發上街光復廣東道，過程中雖有粗言穢語，但整體而言尚屬和平非暴力，高官卻指示威民眾「野蠻」、「不理性」、「不文明」。

何為驕﹖何為野蠻﹖何為不文明﹖當中共國人均GDP尚未及香港五份之一時，自由行旅客卻妄稱「沒有中央政府照顧你們，香港早就完蛋了﹗」這算不算是「未富先驕」﹖當部份蝗蟲在香港隨地便溺後還聲大夾惡，這是否「野蠻」﹖當大陸民眾深受共黨洗腦，高呼什麼「97金融風暴全靠大陸出手打救香港」一類的謊言而恬不自恥，這是否「不理性」﹖當縱火殺人犯施君龍都可以大搖大擺來港做「新香港人」，並指罵香港人是「英國狗」之時，又是否「不文明」﹖為何從來不見政府高官或大愛左膠強烈譴責以上人士及其行為﹖

〈萎肛銘〉《香港淪陷史話十八》

前言：舊鴿馮萎肛投共拜官，豈能不賀﹖特撰〈萎肛銘〉以頌之。

下文改編自中學範文劉禹錫〈陋室銘〉，原文在此。

官不在高，有位則榮；
材不在賢，有人則成。
斯是萎肛，慧眼新星。
淨身求利祿，賣菊當公卿；
半百無女伴，五十有童貞。(註1)
可以治瘡痕(註2)、滅怨聲。
無輿論之亂耳，有賣港以求榮。
臭名比肛華，賤績照汗青。
三字云：「何柒之有？」

註1：馮萎肛曾呻其無女問津。
註2：馮萎肛曾自比「白宮發言人」而被網民揶揄為「白宮痔瘡膏」。

延伸閱讀：

一、《蘋果日報》：〈新聞統籌專員懸空四個月 馮煒光終獲任命　政府「凶多吉少」〉
二、馮煒光—網絡大典
三、〈香港淪陷史話〉系列其他文章

惡搞改圖：〈火鳳燎原之電視風雲(三)〉

前言：為祝賀史兄新書出版，今次〈電視風雲〉大酬賓，第三話一次刊兩回，頁數再加碼，足足有38頁﹗內容更豐富、抽水更全面、主題更明確﹗循例，如果係新讀者，請先翻看第一話同第二話。

其實每一話都有明確的主題，只要認真睇就會發現。有人認為第二話冇第一話咁「言之有物」，其實第一話只係交代背景，內容上反而係第二話比較有意思的。OK，你就當我係賣花讚花香啦。

另外，創作當然要基於現實，但如果完全寫實，就冇改編的需要了。創作之所以吸引人，就係因為佢有現實背景的同時，又能夠發洩到讀者對現實的不滿，甚至滿足到讀者對美好世界的嚮往。我只能夠講，個人傾向浪漫主義多於寫實主義。所以故事發展去到某個位，就會開始向「幻想線」發展，大家大可以當係平行時空，又或者係當係曹操傳的幻想英雄線咁看待。唔係因為我想神化或者美化某幾個人，而只係因為劇情需要。希望大家體諒。

唔阻大家。如果喜歡呢個系列，希望大家廣傳。同埋，記得買火鳳正版。

惡搞改圖：〈火鳳燎原之電視風雲(二)〉

惡搞火鳳的《電視風雲》第二話終於出爐。上回交代背景，講到狼王登位，決定否決新電視發牌。今回承接上回，維基領導的魔軍將和六八九正式開戰﹗建議未看過的人先翻看第一話再看第二話。

第一話連結在此。

發圖之前，先感謝陳某畫了一套如此優秀的漫畫，大家記得買正版支持。同時感謝白影兄熱心幫忙，參與後期製作，令是次改編質素大為提升。

最後，如果大家喜愛本系列改編，請廣傳。改編漫畫比想像中麻煩同浪費心力，讀者的支持就是我改編的最大動力，如果反應熱烈，這類改編就有可能繼續出現。希望大家喜歡本作品，並請繼續關注電視發牌事件。多謝各位。

 

惡搞改圖：〈火鳳燎原之電視風雲(一)〉

〈火鳳燎原之電視風雲(一)〉

前言：港漫《火鳳燎原》係我最喜愛的漫畫。今次改編火鳳，可以話係借花敬佛，同時向陳某同港視致敬。希望東立同陳某大人有大量，唔好同呢篇劣質改圖計較。 頭盔聲明，大家記得買火鳳正版，同埋記得支持《版權修訂條例》第四方案以保障二次創作自由。講返今次改圖，真係嘔心瀝血。呢篇係第一篇，已經用咗我好多時 間，未確定最後會有幾多篇，但至少會有四篇先完到呢個故仔。好，廢話唔多講，上圖。

第一回角色出場表：
一、689飾：袁術
二、波叔飾：廖蘭
三、卡片蘇飾：紀靈
四、譚尿盅飾：橋蕤
五、張松枝飾：張遼
六、神秘人飾：呂布

給《窮富翁》的五個建議：不如拍《富窮鬼大作賤》

新一輯《窮富翁大作戰》曲終人散。這個系列拍了幾輯，是時候搞搞新意，小弟有以下建議，希望有關人士可以考慮考慮：

建議1：《窮富翁大作戰》製作組下次改拍《富窮鬼大作賤》，搵一班窮人去過地產商窮奢極侈離地萬呎的富翁生活，訓下龍床、食下魚翅撈飯、嘆下酒池肉林，充分暴露現時資本家的荒淫無道一面。收視應該會唔錯。而且公開招募志願者時應該有幾十萬人報名，未開播先轟動。

〈旅遊業大陸化數字統計〉

以下數據由Lunyeah Wong整理

眾所周知，自2003年實施自由行政策後，訪港旅客數字一直有增無減。但本地旅遊業愈來愈大陸化，客源過度單一，這情況到底有多嚴重﹖倫爺特地整理了一些數據，以便各方參詳，希望不論左中右人士，一同促請政府重新檢討現時愈走愈歪的旅遊業政策。

根據歷年政府統計署及旅遊發展局的資料，整理出〈2000-2013訪港旅客統計〉，從表一我們可以看到幾點明顯事實：